يظهر اني ها اموت قريب عشان كده قررت اني اسيب تجربتي الفشيخه في عالم التدوين للاجيال القادمه
و حصوصا ان جائزة بيزو لافشخ مدونه باتت علي الابواب
قبل كل شيئ الثقه في النفس وبما ان الزن علي الودان امر من السحر فاديما تردد انا الفشيخ الاوحد 100 مره في اليوم
وشعارك يكون دايما اللي ما يعجبنيش اطرطر عليه وتذكر الفشيخ الجيد هو اللي مناخيره لفوق وعينيه دايمه زايغه بتدور علي فكره او منظر ينفع لتدوينه تفشخ العالم
طبعا بتفتي في كل حاجه في وبتفهم في كل حاجه وافتكر انك دايما في معارك حد بيشتم مثلا في الرئيس المؤمن ودي تيجي وانت موجود تفقعلك تدوينه تشتم كل القومجيه والناصرجيه ومناصري تشافيز وبتوع الخمير الحمر اي حاجة حمرا شوطها علي طول ولازم تحط صورة للزعيم المؤمن وتكتب تحتها أنا المؤمن احب الرئيس المؤمن بطل الحرب والسلام
حد تاني اتكلم عن العلمانيه كضروره حتميه اوعي تسكت اديها احاديث وايات عن ان الدين عند الله هو الاسلام وفكره بنهاية عرفه في اولاد حارتنا وطبعا مش ها تنسي تفكره انك مقاطع للبضائع الدينماركيه
وبكده ضربت كل العصافير مؤمن بتحب الرئيس المؤمن وتشجع السينما النظيفه
وطبعا عناوين مدواناتك ها تبدأ ب انفراد فقط هنا المفاجأه التدوينه القنبله
والف مبروك عليك جايزة بيزو بس أوعي يا عم الحلو تطرطر عليه
0 التعليقات:
إرسال تعليق